राजधानी दिल्लीसह संपूर्ण देश कोरोनाच्या संकटाने होरपळून निघाला असता दिल्लीचे मुख्यमंत्री अरविंद केजरीवाल यांनी आपल्या निवासस्थानाच्या नूतनीकरणासाठी कोट्यावधींची उधळपट्टी केल्याचा आरोप भारतीय जनता पक्षाने केला आहे. केजरीवाल्यांना नैतिक दृष्ट्या आपल्या पदावर राहण्याचा कोणताही अधिकार नसून त्यांनी मुख्यमंत्रीपदाचा राजीनामा द्यावा, अशी मागणी भाजपाने केली आहे.

अरबी समुद्राच्या किनाऱ्यावर वर्षानुवर्ष उभे असलेले भारताचे प्रवेशद्वार अर्थात गेट वे ऑफ इंडिया या ऐतिहासिक वास्तूच्या भिंतीला तडे गेल्याचे स्ट्रक्चरल ऑडिटमध्ये दिसून आले आहे. या वास्तूच्या नूतनीकरणासाठी पुरातत्त्व विभागाने सादर केलेला प्रस्ताव राज्याच्या सांस्कृतिक विभागाकडे प्रलंबित आहे.