मनोज जरांगे यांच्याविरोधात ॲड. गुणरत्न सदावर्ते यांची ऑनलाइन पोलिस तक्रार

मुंबई / रमेश औताडे

मराठा आरक्षण आंदोलनाचे नेते मनोज जरांगे पाटील यांच्याविरोधात ॲड. गुणरत्न सदावर्ते यांनी ऑनलाइन तक्रार दाखल केली आहे. जरांगे यांनी कायद्याचे पालन करावे, असे आवाहन करत सदावर्ते यांनी आंदोलने आणि हुल्लडबाजी यात फरक ओळखण्याची वेळ आल्याचे निवेदनात म्हटले आहे.

सदावर्ते यांनी आपल्या निवेदनात प्रश्न उपस्थित केला की, "हे आंदोलन आहे की हुल्लडबाजी?" त्यांचा आरोप आहे की आंदोलनाच्या आडून कायद्याचे उल्लंघन होत आहे. त्यांनी पोलिस प्रशासनाने याची गंभीर दखल घ्यावी अशी मागणी निवेदनात केली .

दरम्यान, आझाद मैदानासह राज्यातील विविध भागात मराठा आरक्षणाच्या मागणीसाठी मोठ्या संख्येने लोक रस्त्यावर उतरले आहेत. जरांगे यांचे आंदोलन तापत असतानाच सदावर्ते यांची ही तक्रार चर्चेचा विषय ठरली