वळती, सुनिल भोर
वळती (ता. आंबेगाव) येथील श्री भागडेश्वर नागरी सहकारी पतसंस्थेच्या अध्यक्षपदी गुरुवारी ( दि.१२ ) मनोहर बबन शेळके व उपाध्यक्षपदी संजना पाराजी आगळे यांची बिनविरोध निवड झाली . यावेळी निवडणूक निर्णय अधिकारी शांताराम शेटे यांच्या उपस्थितीत निवड प्रक्रिया पार पडली .
श्री भागडेश्वर नागरी सहकारी पतसंस्थेची सन २०२५ ते २०३० या कालावधीसाठी सभासदांच्या विचारविनिमयाने संस्थेच्या प्रगतीचा चढता आलेख पहाता गावातील सर्वपक्षीय मतभेद बाजुला ठेवुन २९ मे या दिवशी सर्व सदस्यांची बिनविरोध निवड झाल्याचे निवडणुक निर्णय अधिकारी यांनी जाहिर केले . श्री भागडेश्वर नागरी पतसंस्थेच्या ठेवी - २६ .५० कोटी असुन कर्ज वाटप १९ .१५ कोटी आहेत . संस्थेचे बिनविरोध निवड झालेले सदस्य पुढीलप्रमाणे , मनोहर बबन शेळके , गणपत दगडु भापकर , बाबाजी सिताराम लोखंडे , शांताराम पोपट भोर , भगवान गंगाराम लोखंडे , रामदास राजाराम लोखंडे , जालींदर लहु शेवाळे , रत्ना पंढरीनाथ भोर , संजना पाराजी आगळे महादेव देवराम भोर , केरभाऊ सिताराम दळे असे अकरा सदस्य बिनविरोध देण्यात आले . गुरुवार (दि १२ ) या दिवशी मंचर येथील यशवंतराव चवहण सभागृह ( पीडीसीसी बँक , मंचर ) येथे अध्यक्षपदासाठी मनोहर बबन शेळके व उपाध्यक्षपदासाठी संजना पाराजी आगळे यांचे एकमेव अर्ज आल्याने त्यांची बिनविरोध निवड करण्यात आली. नवनिर्वाचित अध्यक्ष, उपाध्यक्षांचा सत्कार शरद सहकारी बँकेचे माजी उपाध्यक्ष व विद्यमान संचालक शिवाजीराव लोंढे व सुर्यवंशी साहेब यांच्या हस्ते करण्यात आला. या प्रसंगी सहाय्यक निबंधक , निवडणुक निर्णय अधिकारी शांताराम शेटे , मुख्य कार्यकारी अधिकारी बाळासाहेब गाढवे व ग्रामस्थ उपस्थित होते .
000
