अहमदाबाद: वृत्तसंस्था
अहमदाबाद येथून लंडनकडे निघालेल्या एअर इंडियाच्या विमानाचा अपघात इमारतीला धडकल्यामुळे झाला असून विमानातील सर्व 242 प्रवासी व अधिकारी, कर्मचारी मरण पावल्याचे वृत्त आहे. मृतांमध्ये 11 मुले आणि दोन नवजात बालकांचा समावेश आहे.
अहमदाबाद येथील सरदार वल्लभभाई पटेल आंतरराष्ट्रीय विमानतळावरून लंडनला जाण्यासाठी एअर इंडियाच्या AI 121 या प्रवासी विमानाने उड्डाण केले. मात्र, विमानतळापासून 15 किलोमीटर अंतरावर असलेल्या एका होस्टेलच्या इमारतीला विमान धडकले. ही धडक इतकी जोरदार होती की, त्यानंतर विमानाने पेट घेऊन आकाशात कल्यार धुराचे ढग तयार झाले.
हा अपघात अहमदाबाद शहरातील मेघानीनगर या रहिवासी भागात झाला. याच भागात शासकीय रुग्णालय असल्याने सर्व अपघातग्रस्त प्रवाशांची तातडीने रुग्णालयात रवानगी करण्यात आली. मात्र, या प्रवाशांपैकी कोणाचेही प्राण वाचू शकलेले नाहीत.
About The Author
