नवी मुंबई: प्रतिनिधी
मंत्री नितेश राणे यांनी नुकतेच दिलेले वाळू चोरांचे हात तोडण्याचे आदेश खरोखरच वाळू चोरीला आळा घालण्यासाठी आहेत की हप्ते वाढवून घेण्यासाठी, असा सवाल माजी आमदार वैभव नाईक यांनी राणे यांना केला आहे.
राणे यांनी खरोखरच वाळू चोरीला आळा घालण्यासाठी हात तोडण्याचा इशारा दिला असेल तर त्याला सिंधुदुर्ग वासियांचा पाठिंबा आहे. मात्र, नेहमीप्रमाणे दिखाऊपणा करण्यासाठी किंवा हप्ते वाढवून घेण्यासाठी ही धमकी देण्यात आली असेल तर शिवसेना त्याचा विरोध करेल, असा इशारा नाईक यांनी दिला.
नितेश राणे यांना खरोखरच वाळूचोरीला आळा घालण्यासाठी प्रयत्न करायचे असतील तर त्यांचे बंधू आमदार निलेश राणे यांच्या मतदारसंघात कोण कोण वाळूचोर आहेत आणि त्यांचे लागेबांधे कोणाकोणाशी आहेत याचा त्यांनी शोध घ्यावा आणि त्यांच्यावर कारवाई. करावी. तसे झाल्यास आम्ही नितेश राणे यांच्या पुढाकाराचे स्वागत करू. अन्यथा त्यांना शिवसेनेच्या विरोधाला सामोरे जावे लागेल असा इशाराही त्यांनी दिला.
About The Author
