पुणे: प्रतिनिधी
नुकत्याच जाहीर झालेल्या सावित्रीबाई फुले पुणे विद्यापीठाच्या अभियांत्रिकी अभ्यासक्रम परीक्षेच्या निकालात अनेक घोळ झाले असून या अभ्यासक्रमाची पुन्हा परीक्षा घेण्यात यावी आणि एखाद्या विषयामुळे वर्ष वाया जाऊ नये यासाठी कॅरी ऑन सुविधा देण्यात यावी, ही विद्यार्थ्यांची मागणी आहे.
आपल्या मागण्यांचा पाठपुरावा करण्यासाठी विद्यार्थी पुणे विद्यापीठातील कुलगुरू कार्यालयासमोर जमले. विद्यार्थ्यांना दहा मिनिटे भेटीसाठी वेळ दिली होती. मात्र, विद्यार्थ्यांना भेटले नाहीत. त्यामुळे संतप्त झालेल्या विद्यार्थ्यांनी विद्यापीठ इमारतीसमोरील बॅरिकेड्स पाडून विद्यार्थी इमारतीत शिरण्याचा प्रयत्न करत होते.
त्यानंतर पोलिसांच्या मध्यस्थीने विद्यार्थ्यांच्या शिष्टमंडळाला कुलगुरूंच्या भेटीसाठी पाठविण्यात आले आहे. आता शिष्टमंडळ आणि कुलगुरू यांच्यात काय चर्चा होते आणि कुलगुरू विद्यार्थ्यांच्या मागण्यांना काय प्रतिसाद देतात, याकडे विद्यार्थ्यांचे लक्ष आहे.
About The Author
