मसूर : राष्ट्रभाषानुरागी शिक्षक शिक्षकेतर सेवक सहकारी पतसंस्था राष्ट्रभाषा भवन, संभाजीनगर सातारच्या चेअरमनपदी खंडाळ्याचे विजयकुमार पिसाळ, व्हा.चेअरमनपदी पाटणचे नवनाथ कदम. सेक्रेटरीपदी सातारचे सागर पाटील यांची एकमताने बिनविरोध निवड झाली.
ही निवड निवडणूक निर्णय अधिकारी दत्तात्रय मोहिते यांच्या मार्गदर्शनाखाली पार पडली. यावेळी राष्ट्रभाषानुरागी पतसंस्थेचे संस्थापक ता. का. सूर्यवंशी,आर.वाय.जाधव,संजय पोतेकर,शाहनवाज मुजावर, इकबाल मुल्ला, शिवाजीराव खामकर, माजी चेअरमन ह. रा. सूर्यवंशी, कुमार सोनवलकर, विजय यादव यांच्यासह शेतकरी संघटनेचे उपाध्यक्ष राजेंद्र बर्गे, सुधाकर माने, कल्याण शिंदे प्रमुख उपस्थित होते.
निवडीनंतर नवनिर्वाचित पदाधिकाऱ्यांच्या सत्कार प्रसंगी बोलताना संस्थेचे संस्थापक ता. का. सूर्यवंशी यांनी या संस्थेवरील सभासदांचा वाढता विश्वास व चढत्या आलेखाबाबत माहिती विशद केली.
आर. वाय. जाधव म्हणाले, राष्ट्रभाषानुरागी पतसंस्थेची प्रगती वाखाणण्याजोगी असून ता.का. सूर्यवंशी यांच्या मार्गदर्शनाखाली संस्था प्रगतीपथावर कार्यरत आहे. यावेळी. व्हा.चेअरमन नवनाथ कदम, सेक्रेटरी सागर पाटील यांनीही संस्थेचा आदर्श डोळ्यासमोर ठेवून संस्थेची प्रगती अबाधित ठेवू अशी ग्वाही दिली. माजी चेअरमन ह. रा. सूर्यवंशी, कुमार सोनवलकर विजय यादव,संजय पोतेकर यांनीही मनोगत व्यक्त केले.
संस्थापक व सभासदांनी विश्वासाने आपणावर सोपवलेली जबाबदारी पारदर्शकपणे पार पाडून संस्था राज्यस्तरावर नावारुपास आणण्यासाठी प्रयत्नशील राहणार आहे. सर्वांना विश्वासात घेऊनच काम करण्यास प्राधान्य देणार आहे. - विजयकुमार पिसाळ, नवनिर्वाचित चेअरमन
About The Author
