पाटण : पुण्यश्लोक अहिल्यादेवी होळकर यांच्या त्रिशताब्दी जयंती निमित्त अहिल्यादेवी सामाजिक व शैक्षणिक विकास ट्रस्ट, कराड व ऑल इंडिया धनगर समाज महासंघ दिल्ली, महाराष्ट्र राज्य यांच्यावतीने पाटण तालुक्यातील मोरणा विभागातील आटोली गावच्या प्रा. सौ. सुचेता सुरेश शेळके यांना सामाजिक व शैक्षणिक कार्यातील उल्लेखनीय कामगिरीबद्दल अहिल्या रत्न पुरस्कार देऊन त्यांच्या कार्याचा गौरव करण्यात आला.
अहिल्यादेवी सामाजिक व शैक्षणिक विकास ट्रस्ट व ऑल इंडिया धनगर समाज महासंघ दिल्ली यांच्यावतीने कराड येथील स्व. यशवंतराव चव्हाण स्मृती सदन येथे नुकताच पार पडलेल्या या पुरस्कार सोहळ्याला आ. रामहरी रूपनवर, ट्रस्टचे प्रदेशाध्यक्ष प्रवीण काकडे, सांगलीचे आरटीओ इन्स्पेक्टर सौरभ दढस, श्रीसदगुरु साखर कारखान्याचे चेअरमन बाळासाहेब कर्णवर- पाटील, श्रीमंत योगीराज संजयसिंह गायकवाड, शाहूवाडी यांच्या प्रमुख उपस्थितीत व हस्ते पाटण तालुक्यातील मोरणा विभागातील आटोली गावच्या प्रा. सौ. सुचेता सुरेश शेळके यांना सामाजिक व शैक्षणिक कार्यातील उल्लेखनीय कामगिरी बद्दल अहिल्या रत्न पुरस्कार प्रदान करण्यात आला.
या पुरस्कार सोहळ्याला अहिल्यादेवी सामाजिक व शैक्षणिक विकास ट्रस्ट व ऑल इंडिया धनगर समाज महासंघाचे सर्व सदस्य पदाधिकारी यांच्यासह समाजबांधवांची मोठ्या प्रमाणात उपस्थिती होती.
000000000000000000
About The Author
