बर्लिन: वृत्तसंस्था
भारतात यूपीआय पेमेंट चा वापर करून लोक रस्त्यावर कांदे बटाटे आणि छोट्या मोठ्या दुकानात किराणामालही खरेदी करतात. ही बाब अचंबित करणारी आहे. जर्मनी या क्षेत्रात फार मोठा आवाका गाठू शकेल, अशी शक्यता वाटत नव्हती. मात्र, भारतापासून प्रेरणा घेऊनच जर्मनीने या क्षेत्रात मोठी मजल मारली आहे, असे प्रतिपादन जर्मनीच्या परराष्ट्रमंत्री ऍनालेना बेअरबॉक यांनी केले.
येथे आयोजित करण्यात आलेल्या ॲन्युअल अँबेसेडर कॉन्फरन्स अर्थात राजदूतांच्या वार्षिक संमेलनात भारताचे परराष्ट्र मत्री एस जयशंकर यांच्या उपस्थितीत बेअरबॉक बोलत होत्या.
दोन भारतात राजदूत असताना यूपीआयच्या मदतीने लोकांना रस्त्यावर छोट्या-मोठ्या वस्तूंची खरेदी करताना आपण पाहिले आहे. दिल्लीच्या मेट्रो मधून आपण प्रवास केला असून प्रत्येक किलोमीटरवर भारतात होत असलेल्या आधुनिकीकरणाचा अनुभव घेतला आहे. यूपीआय पेमेंट यंत्रणा जर्मनीत एवढ्या प्रभावीपणे वापरता येईल, याबद्दल सुरुवातीला खात्री वाटत नव्हती. मात्र, भारतीय यूपीआय पेमेंट यंत्रणेचा सखोल अभ्यास केल्यानंतर त्यांच्यापासून प्रेरणा घेऊनच जर्मनीने या क्षेत्रात मोठी झेप घेतली आहे, असेही बेअरबॉक यांनी नमूद केले.
डिजिटायझेशनद्वारे गल्लीबोळात आणि रस्त्या रस्त्यांवर पैशांचे लहान मोठे व्यवहार केले जाऊ शकतात हे आपण भारतात बघितले आहे. मात्र, दुसरीकडे आमच्या दूतावासात व्हिसासाठी आलेले अर्ज आम्ही आजही खोक्यात भरून गोळा करत आहोत. डिजिटल पेमेंट एवढा मोठा बदल मी करू शकेन की नाही, हे सांगता येणार नाही. मात्र, माझ्याकडे जबाबदारी असलेल्या परराष्ट्र विभागात अधिकाधिक डिजिटायझेशनचा अवलंब करून प्रक्रिया सुलभ आणि वेगवान करण्याचा आपण निश्चित प्रयत्न करू, असेही त्या म्हणाल्या.
.jpeg)
