उपेक्षित घटकांचा आवाज बुलंद करणार 'राजदंड'

पुणे: प्रतिनिधी

समाजातील वंचित घटकांचा आवाज बुलंद करण्यासाठी दैनिक 'राजदंड' कटिबध्द असल्याची ग्वाही मुख्य कार्यकारी अधिकारी आणि व्यवस्थापकीय संपादक राजेश वरळेकर यांनी दिली.

तब्बल दोन दशकांहून अधिक काळ नियमितपणे प्रसिद्ध होत असलेल्या राजदंडच्या नव्या स्वरूपातील अंकाचे प्रकाशन माजी महापौर प्रशांत जगताप, ज्येष्ठ पत्रकार राही भिडे व अन्य मान्यवरांच्या हस्ते विशेष कार्यक्रमात करण्यात आले.

या कार्यक्रमाला धनराज गवळी, विख्यात स्त्रीरोगतज्ज्ञ डॉ. प्रज्ञा बारसिंग खरात, सामाजिक कार्यकर्ते विनोद पवार, युवराज बनसोडे आदी मान्यवर उपस्थित होते.

दैनिक राजदंड कार्यविस्ताराच्या पाहिल्या टप्यात प्रामुख्याने पश्चिम महाराष्ट्र आणि मराठवाड्यातील प्रमुख घडामोडींवर लक्ष केंद्रित करणार असून कालांतराने हे कार्यक्षेत्र राज्यभर विस्तारण्यात येईल, असे वरळेकर यांनी यावेळी सांगितले.

व्यवस्थापक विजय मोरे यांनी सूत्रसंचालन व आभारप्रदर्शन केले.

website : marathi.thedemocrat.in

EPaper : epaper.rajdand.com

YouTube.com/@rajdandlive

Twitter.com/Rajdandlive

000