'प्रफुल्ल लोढाचा तुरुंगात काढला जाऊ शकतो काटा'

मुंबई: प्रतिनिधी 

हनी ट्रॅप प्रकरणामुळे सध्या राजकीय वर्तुळात चर्चेत असलेला प्रफुल्ल लोढा याचा तुरुंगात काटा काढण्यात येऊ शकतो. त्यासाठी सत्ताधाऱ्यांपैकी काही जणांनी नियोजन केले आहे, असा गंभीर आरोप माजी मंत्री एकनाथ खडसे यांनी केला आहे. 

एके काळी मंत्री गिरीश महाजन यांचा निकटवर्ती असलेला मात्र कालांतराने दुरावलेला प्रफुल्लोडा याचा हनी ट्रॅप प्रकरणात समावेश असल्याचा आरोप केला जात आहे. या प्रकरणात काही मंत्री व अनेक वरिष्ठ अधिकारी अडकले असल्याची चर्चा आहे. 

हनी ट्रॅप प्रकरणात यांचा एक मंत्री अडकला आहे. एक महिन्यापासून लोढा याला अटक करून ठेवले आहे. कदाचित त्याला मारूनही टाकतील. त्यादृष्टीने या लोकांचे षडयंत्र चालले आहे, असा आरोप खडसे यांनी केला. 

हे पण वाचा  'रोहिणी खडसे रूपाली चाकणकर वादातून महिला आयोग सक्रिय?'

तपास करणारे लोक चाकणकर यांचेच 

रेव पार्टी प्रकरणात पोलिसांनी अटक केलेले खडसे यांचे जावई प्रांजल खेवलकर यांच्यावर राज्य महिला आयोगाचे अध्यक्ष रूपाली चाकणकर यांनी गंभीर आरोप केले आहेत. याबाबत बोलताना खडसे म्हणाले की, या प्रकरणात तपास करणारे सगळे लोक चाकणकर यांचेच आहेत. याप्रकरणी सत्य काय ते बाहेर यावे आणि ते पोलिसांनी जाहीर करावे, अशी मागणी देखील खडसे यांनी केली. 

खेवलकर यांचा पाय खोलात

रूपाली चाकणकर यांनी केलेल्या आरोपांनंतर खेवलकर यांचा पाय आणखी खोलात जात असल्याचे दिसून येत आहे. केवलकर यांनी पहिल्यांदाच अशी पार्टी केली नसून यापूर्वी अनेकदा मुलींना बोलावून पार्टी केल्याचा आरोप चाकणकर यांनी केला आहे. चित्रपटात काम देण्याच्या बहाण्याने तरुणींवर लैंगिक अत्याचार करण्यात आले. खेवलकर यांच्या मोबाईलवर लॅपटॉपमध्ये पोलिसांना तरुणींचे अश्लील चित्रण आढळून आले असून काही चित्रणात स्वतः खेवलकरही दिसत आहे, असा आरोप चाकणकर यांनी केला आहे.