मंचर, प्रतिनिधी
पुणे जिल्ह्यातील जुन्नर आंबेगाव, खेड,मावळ, पुरंदर व हवेली तालुक्यातील एकूण ९९ गावांचा धरती आबा जनभागीदारी अभियानामध्ये केंद्र शासनामार्फत समावेश करण्यात आलेला आहे.एकूण ८५ हजार ३०४ पेक्षा जास्त आदिवासी लाभार्थ्यांना डीए-जेजीयुए अभियानांतर्गत लाभ देण्यासाठी कालबध्द कार्यक्रम निश्चीत करण्यात येत आहे.अशी माहिती घोडेगाव एकात्मिक आदिवासी विकास प्रकल्प अधिकारी प्रदीप देसाई यांनी दिली.
धरती आबा जनभागीदारी अभियानाच्या अनुषंगाने बुधवार दि. ११ रोजी जिल्हाधिकारी जितेंद्र डुडी यांच्या अध्यक्षतेखाली तसेच जिल्हा परिषद पुणे येथील मुख्य कार्यकारी अधिकारी गजानन पाटील यांच्या प्रमुख उपस्थितीत पुणे जिल्हाधिकारी कार्यालयात सर्व उपविभागीय अधिकारी, तहसीलदार, गटविकास अधिकारी व इतर विभागाचे जिल्हास्तरीय अधिकारी यांची महत्त्वपूर्ण बैठक पार पडली. घोडेगाव एकात्मिक आदिवासी विकास प्रकल्प अधिकारी प्रदीप देसाई म्हणाले धरती आबा जनजातीय ग्राम उत्कर्ष अभियाना अंतर्गत सामाविष्ट तालुक्याचे नाव,एकुण गावांची संख्या,एकुण आदिवासी कुटूंबांची संख्या,एकुण आदिवासी लोकसंख्या पुढीलप्रमाणे जुन्नर,४६,८५२८,४१३१६, आंबेगाव,२३,४८५३,२३८५९, खेड,१७,२५९३,१२४९८,मावळ,०८,९२५,५०१६, हवेली०१,९२,४६८,पुरंदर,०४,४२९,२१४७,ऐकूण ९९,१७४२०,८५३०४. एकुण-१७ विभागांमार्फत २५ प्रकारचे विविध उपक्रम राबवण्यात येणार आहेत.यामध्ये आदिवासी समुदायातील सर्व जमातीतील लाभार्थ्यांना पक्की घरे गावांतर्गत व गावाला जोडणारे रस्ते प्रत्येक घरात नळाद्वारे पाणी विद्युत पुरवठा, मोबाईल मेडिकल युनिट द्वारे आरोग्य तपासणी, प्रत्येक घरात उज्वला गॅस योजनेचा लाभ ,वाडी / वस्तींमध्ये अंगणवाडी केंद्र स्थापन करणे, वस्तीगृह बांधकाम करणे, बालकांची पोषण स्थिती सुधारणे, मोबाईल कनेक्टिव्हिटी अशा विविध प्रकारच्या सुविधा देण्यात येणार आहेत. केंद्र शासनाच्या निर्देशानुसार रविवार दि. १५ ते सोमवार दि.३० या कालावधीमध्ये भारतीय भागीदारी अभियान राबविण्यात येणार असून मोठ्या प्रमाणात पुणे जिल्ह्यातील ९९ गावांमध्ये लाभार्थी शिबिराचे आयोजित करण्यात येणार आहेत. धरती आबा जनभागीदारी अभियानामध्ये सर्वच आदिवासी लाभार्थ्यांनी, शालेय विद्यार्थी, सामाजिक कार्यकर्ते, स्थानिक लोकप्रतिनिधी यांनी सहभागी होऊन जास्तीत जास्त लाभ घ्यावा.असे आवाहन जिल्हाधिकारी जितेंद्र डुडी यांनी केले. मुख्य कार्यकारी अधिकारी जिल्हा परिषद पुणेचे गजानन पाटील म्हणाले गुरुवार दि.१९ जून सिकलसेल दिवस (cickle cell day) निमित्त आरोग्य विभागामार्फत आरोग्य तपासणी व शनिवार दि. २१ जून योग दिननिमित्त पुणे जिल्ह्यातील शाळा व महाविद्यालयांमध्ये विविध उपक्रम आयोजित करावेत.असे त्यांनी सांगितले. या बैठकीस विविध विभागाचे अधिकारी उपस्थित होते.सदर अभियानाच्या बैठकीचे आयोजन एकात्मिक आदिवासी विकास प्रकल्प अधिकारी प्रदीप देसाई यांनी केले.
000
