पोटोबा मंदिर परिसरात महिलेचे मंगळसूत्र चोरले

वडगाव मावळ/प्रतिनिधी

वडगाव मावळ येथील पोटोबा मंदिर परिसरात (दि १०) एप्रिल २०२५ रोजी एक जबरी चोरी घडली आहे. ज्योती लोकरे (वय ३५ वर्षे, गृहिणी, राहणार लक्ष्मी सोसायटी, दिग्विजय कॉलनी, वडगाव) यांनी ११ एप्रिल २०२५ रोजी पोलिसांत तक्रार दाखल केली आहे.

घटनेचे तपशिलानुसार, १० एप्रिल २०२५‌ रोजी सायं. ७:३० वाजता पोटोबा मंदिराजवळ कीर्तनाचा कार्यक्रम संपल्यानंतर जेवणाच्या कार्यक्रमासाठी महिलांचे रांगेत उभी असताना, अनोळखी महिलेने (वय अंदाजे ४० ते ४५ वर्षे, नाव व पत्ता माहित नाही) ज्योती लोकरे यांच्या गळ्यातील सोन्याचे मंगळसूत्र (१.५ तोळे वजनाचे) चोरून घेतले. ही घटना फिर्यादीच्या संमतीशिवाय झाली असून, आरोपीने मणी मंगळसूत्र ओढून घेतले. या चोरीमुळे फिर्यादीला १,००,००० रुपयांचे नुकसान झाले आहे.

पोलिसांनी या प्रकरणी भारतीय दंड संहितेच्या कलम ३०४ अंतर्गत गुन्हा दाखल केला आहे. पोलिसांनी तपास सुरू केला असून, आरोपीला शोधण्यासाठी कार्यवाही सुरू केली आहे.